പള്ളികളിലും ഈദ്ഗാഹുകളിലും ഇന്ന് ആയിരക്കണക്കിന് വിശ്വാസികൾ ചേർന്നുകൊണ്ടുള്ള നമസ്ക്കാരം നടന്നു. കടുത്ത കോവിഡ് നിയന്ത്രണങ്ങൾക്ക് ശേഷമുള്ള ബലിപ്പെരുന്നാളിൽ ഗൾഫ് രാജ്യങ്ങൾ പലയിടങ്ങളിലായി സുരക്ഷാ ക്രമീകരണങ്ങളും ഒരുക്കിയിരുന്നു. ഗൾഫിലെ വിനോദ സഞ്ചാര കേന്ദ്രങ്ങളിലെല്ലാം തന്നെ വലിയ തിരക്കാണ് ഇന്ന് അനുഭവപ്പെട്ടുകൊണ്ടിരിക്കുന്നത്. അപകടങ്ങൾ ഒഴിവാക്കാൻ ജാഗ്രത പാലിക്കണമെന്നും ഭരണകൂടം നിർദേശിച്ചിട്ടുണ്ട്.
ത്യാഗത്തിന്റെയും അർപ്പണത്തിന്റെയും മഹത്വം വിളിച്ചോതുന്ന ബലിപ്പെരുന്നാൾ ആഘോഷത്തിന് ഒരുങ്ങുകയാണ് ഇന്ത്യയിലെ ഇസ്ലാം മത സമൂഹവും. അല്ലാഹുവിന്റെ ആവശ്യപ്രകാരം പ്രവാചകനായ ഇബ്രാഹിം നബി തന്റെ കടിഞ്ഞൂൽ പുത്രനെ ബലിയർപ്പിക്കാൻ സന്നദ്ധനായതിന്റെ ഓർമയിൽ ആത്മീയതയുടെ പരിശുദ്ധിയിലാണ് ഇസ്ലാം മതസ്ഥർ.
