കൊച്ചി: കേരളത്തിലെ 2 ജില്ലകളിൽ കൂടി ജിയോ 5ജി എത്തുന്നു. ഇന്ത്യയിലെ 10 നഗരങ്ങളിലാണ് ജിയോ 5ജിയുടെ അടുത്ത ഘട്ടം നടപ്പിലാക്കുന്നത്. ഇതിലാണ് കേരളത്തിലെ 2 ജില്ലകൾ ഇടംപിടിച്ചിരിക്കുന്നത്. 5ജി സേവനം വരുന്നത് കോഴിക്കോടും തൃശൂരുമാണ്. നേരത്തെ കൊച്ചിയിൽ 5ജി സേവനം ലഭ്യമായി തുടുങ്ങിയിരുന്നു.
ഡൽഹി , മുംബൈ, കൊൽക്കത്ത, വാരണാസി എന്നിവിടങ്ങളിലെ തെരഞ്ഞെടുത്ത ഉപഭോക്തക്കൾക്ക് വെൽകം ഓഫർ വഴി ഒക്ടോബറിൽ ജിയോ 5 ജി സേവനം എത്തിയിരുന്നു. ഇനി 5ജി സേവനം ലഭ്യമാവുക ആഗ്ര, കാന്‍പൂര്‍, മീരട്ട്, പ്രയാഗ്രാജ്, തിരുപ്പതി, നെല്ലൂര്‍, കോഴിക്കോട്, തൃശൂര്‍, നാഗ്പൂര്‍, അഹമ്മദ്നഗര്‍ എന്നിവിടിങ്ങളിലാണ്. നിലവില്‍ ഇന്ത്യയിലെ 72 നഗരങ്ങളിലാണ് ജിയോ 5ജി ലഭ്യമാകുന്നത്. ഈ വര്‍ഷം അവസാനത്തോടെ രാജ്യത്തെ ഓരോ താലൂക്കിലും 5ജി ലഭ്യമാക്കാനാണ് റിലയന്‍സ് ലക്ഷ്യമിടുന്നതെന്ന് കമ്പനി അറിയിച്ചു.
2023 ഡിസംബറോടെ രാജ്യത്തുടനീളം 5 ജി സേവനങ്ങൾ ലഭ്യമാക്കുന്നതിന്‍റെ ഭാഗമായാണ് ജിയോ കേരളത്തിലും പരീക്ഷണാർഥം തുടക്കമിടുന്നത്.
