ഇസ്ലാമാബാദ്: പാകിസ്ഥാന് ക്രിക്കറ്റ് ടീം ക്യാപ്റ്റനും ബാറ്റ്സ്മാനുമായ ബാബര് അസം ഹണി ട്രാപ്പില് കുടുങ്ങിയതായി റിപ്പോര്ട്ടുകള്. ക്യാപ്റ്റൻ ബാബർ അസം സഹതാരത്തിന്റെ കാമുകിയുമായി നടത്തിയ ലൈംഗികച്ചുവയുള്ള ചാറ്റിങ്ങിന്റെ വിഡിയോ ദൃശ്യങ്ങളും ചിത്രങ്ങളുമാണ് സമൂഹ്യമാധ്യമങ്ങളിൽ പ്രചരിക്കുന്നത്. നേരത്തെയും സമാനമായ ആരോപണങ്ങള് ബാബര് അസം നേരിട്ടുണ്ട്.
പാക്കിസ്ഥാൻ ക്രിക്കറ്റ് ടീമിലെ ഒരു സഹതാരത്തിന്റെ കാമുകിയുമായി അശ്ലീല സംഭാഷണം നടത്തുന്ന ബാബർ അസം, ഇതു തുടർന്നാൽ കാമുകനായ താരത്തെ ടീമിൽനിന്ന് പുറത്താക്കില്ലെന്നും ബാബര് അസം പറയുന്നു. പാകിസ്ഥാനിലെ സോഷ്യല് മീഡിയ അക്കൗണ്ടില് നിന്നാണു വീഡിയോ പുറത്തായത്.
അതേസമയം അസമിന്റെ ക്യാപ്റ്റന് സ്ഥാനം തെറിപ്പിക്കുന്നതിനുള്ള ഗൂഢാലോചനയാണ് ഈ വീഡിയോക്ക് പിന്നിലെന്ന് ആരാധകര്. മോർഫ് ചെയ്ത ചിത്രങ്ങളും എഡിറ്റ് ചെയ്ത ഓഡിയോ ക്ലിപ്പുകളുമാണ് പ്രചരിക്കുന്നതെന്നും താരത്തെ ഹണിട്രാപ്പിൽ കുടുക്കിയതായാണ് സംശയമെന്നും ആരാധകർ പറയുന്നു.
