ന്യൂഡൽഹി: കോൺഗ്രസ് നേതാവ് രാഹുൽ ഗാന്ധി നയിക്കുന്ന ഭാരത് ജോഡോ യാത്രയുടെ സമാപന സമ്മേളനം ഇന്ന് നടക്കും. പദയാത്ര പുർത്തിയായി. ഇന്ന് ശ്രീനഗറിലാണ് സമാപനസമ്മേളനം ഒരുക്കിയിരിക്കുന്നത്. ഇന്നലെ രാവിലെ പമ്താചൗക്കിൽ നിന്ന് ആരംഭിച്ച യാത്ര ഉച്ചയ്ക്ക് 12 മണിയോടെ ലാൽ ചൗക്കിൽ അവസാനിച്ചു.
ക്ഷണിച്ച 13 കക്ഷികൾ സമാപന ചടങ്ങിൽ പങ്കെടുക്കും. എന്നാൽ സിപിഎം, ജെഡിയു, ജെസിഎസ്, തൃണമൂൽ കോൺഗ്രസ് തുടങ്ങിയ കക്ഷികൾ പങ്കെടുക്കില്ലെന്നാണ് റിപ്പോർട്ട്‌. പൊലീസ്, കരസേന, സിആര്‍പിഎഫ് എന്നിവര്‍ വന്‍ സുരക്ഷാ സന്നാഹങ്ങളാണ് സമ്മേളന സ്ഥലത്ത് ഒരുക്കിയിരിക്കുന്നത്.
സെപ്റ്റംബര്‍ 7ന് കന്യാകുമാരിയില്‍നിന്നാണ് യാത്ര തുടങ്ങിയത്. 12 സംസ്ഥാനങ്ങളിലും രണ്ട് കേന്ദ്രഭരണ പ്രദേശങ്ങളുമായി 75 ജില്ലകളിലൂടെയാണ് യാത്ര കടന്നുപോയത്. 136 ദിവസം കൊണ്ട് 4080 കിലോമീറ്റര്‍ പിന്നിട്ടാണ് യാത്ര ശ്രീനഗറിലെത്തിയത്.
