തിരുവനന്തപുരം: സംസ്ഥാനത്ത് ഭക്ഷ്യ സുരക്ഷാ ഹെൽത്ത് കാർഡ് എടുക്കുന്നതിനുള്ള സമയപരിധി നീട്ടിയെന്ന് റിപ്പോർട്ട്‌. ഹോട്ടൽ ഉടമകളുടെയും ജീവനക്കാരുടെ അപേക്ഷ പരിഗണിച്ചാണ് സമയപരിധി വർധിപ്പിച്ചതെന്ന് ആരോഗ്യ മന്ത്രി വീണ ജോർജ് പറഞ്ഞു. നിയമനടപടികൾ ഒരു മാസത്തിനു ശേഷമെന്നും ഹെൽത്ത് കാർഡ് എത്ര പേർ എടുത്തു എന്നത് സംബന്ധിച്ച് ഭക്ഷ്യ സുരക്ഷാ വകുപ്പ് പരിശോധന നടത്തുമെന്നും മന്ത്രി പറഞ്ഞു.
ഭക്ഷ്യ വിഷബാധ വർധിച്ച പശ്ചാത്തലത്തിലാണ് ജീവനക്കാർക്ക് ഹെൽത്ത് കാർഡ് നിർന്ധമാക്കിയത്. മുൻപ് 2 തവണ ഹെൽത്ത് കാർഡ് എടുക്കുന്നതിനുള്ള സമയപരിധി നീട്ടിയിരുന്നു. ഇപ്പോൾ വീണ്ടും ഒരുമാസം കൂടി സമയം നൽകിയിരിക്കുകയാണ്.
