ശ്രീകാര്യം: ആക്കുളം ദക്ഷിണ വ്യോമസേന കമാൻഡ് മന്ദിരത്തിലെ കാൻ്റീനിൽ എസി യിൽ നിന്നുള്ള ഷോക്കേറ്റ് യുവാവ് മരിച്ചു. കടക്കാവൂർ തെക്കുംഭാഗം നാലുതെങ്ങ് വീട്ടിൽ ഷാഫിയുടെയും ഗീതയുടെയും മകൻ എസ്. അർജുൻ (24) ആണ് മരിച്ചത്. മൃതദേഹം മെഡിക്കൽ കോളജ് മോർച്ചറിയിൽ.
ഇന്നലെ ഉച്ചതിരിഞ്ഞാണ് അപകടം. ഹിന്ദുസ്ഥാൻ ലാറ്റക്സിനു സമീപമുള്ള വ്യോമസേനയുടെ കാൻ്റീനിലെ കേടായ എയർ കണ്ടീഷൻ റിപ്പയർ ചെയ്യുന്നതിനിടയിൽ ആണ് ഷോക്ക് ഏറ്റത്. മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല. ഭാര്യ. പാർവതി. മകൻ: അർണവ്
