കഴക്കൂട്ടം: പൂവച്ചൽ സ്വദേശിയായ തൗഫീക്കിനെ(22) പെരുമാതുറ മുതലപ്പൊഴിയിൽ മരിച്ച നിലയിൽ കണ്ടെത്തി. ഇന്ന് രാവിലെ 9.30 മണിയോടെ മുതലപ്പൊഴി കായലിൽ മത്സ്യതൊഴിലാളികളാണ് മൃതദേഹം കണ്ടെത്തിയത്.
മത്സ്യതൊഴിലാളികളുടെ സഹായതോടെ കരയിലെത്തിച്ച മൃതദ്ദേഹം കഠിനംകുളം പൊലീസ് സ്ഥലത്തെത്തി ചിറയിൻകീഴ് താലൂക്കാശുപത്രിയിലേക്ക് മാറ്റി. പൂവച്ചൽ മുളയങ്കോട് സ്ഥിരതാമസകാരനായ യുവാവ് പെരുമാതുറയിലെ ബന്ധുവീട്ടിൽ കഴിഞ്ഞ ദിവസമാണ് എത്തിയത്.ഇന്നലെ 7 മണിയോടെയാണ് തൗഫീഖിനെ കാണാതായത്. യുവാവ് മാനസിക പ്രശ്നമുള്ളയാളാണ് എന്നാണ് ബന്ധുക്കൾ നൽകുന്ന വിവരം. പോസ്റ്റ് മാർട്ടത്തിന് ശേഷം മൃതദ്ദേഹം ബന്ധുകൾക്ക് വിട്ടുനൽകും.
