കൊച്ചി: എറണാകുളം ജനറൽ ആശുപത്രിയിൽ ഡോക്ടർക്ക് ക്രൂരമർദനം. മർദ്ദനമേറ്റത് ഹൗസ് സർജൻ ഹരീഷ് മുഹമ്മദിനാണ്. വനിത ഡോക്ടറോട് അപമര്യാദയായി പെരുമാറിയത് ചോദ്യം ചെയ്തതിനെ തുടർന്നാണ് ഹൗസ് സർജനു മർദ്ദനമേറ്റത്. ശനിയാഴ്ച പുലർച്ചെയായിരുന്നു സംഭവം. സംഭവവുമായി ബന്ധപ്പെട്ട് 2 പേർ അറസ്റ്റിലായിട്ടുണ്ട്.
മട്ടാഞ്ചേരി സ്വദേശികളായ ജോസ്‌മിൽ, റോഷൻ എന്നിവരെയാണ് കസ്റ്റഡിയിലെടുത്തത്. രോഗിയെ കാണാനെത്തിയ ഇവർ വനിതാ ഡോക്ടറെ ശല്യം ചെയ്യാന്‍ ശ്രമിക്കുകയും സഹപ്രവര്‍ത്തകനായ ഹൗസ് സര്‍ജന്‍ ഇത് ചോദ്യം ചെയ്‌തതോടെയാണ് ആക്രമണം ഉണ്ടായത്. ജാമ്യമില്ല കുറ്റമാണ് പ്രതികൾക്കെതിരെ ചുമത്തിയത്. പ്രതികൾ മദ്യലഹരിയിൽ ആയിരുന്നുവെന്നാണ് പോലീസ് റിപ്പോർട്ട്.
