തൃശൂർ: 2018 ലെ പ്രളയ ദൃശ്യങ്ങൾ ഇപ്പോഴത്തെ ദൃശ്യങ്ങളെന്ന തരത്തിൽ സോഷ്യൽ മീഡിയയിൽ പ്രചരിപ്പിക്കുന്നവർക്കെതിരെ കർശന നടപടി സ്വീകരിക്കുമെന്ന് റവന്യു വകുപ്പ് മന്ത്രി കെ. രാജൻ. കേരളത്തിൽ ഭീകരമായ സാഹചര്യമില്ലെന്നും 24 മണിക്കൂർ കഴിഞ്ഞാൽ മഴ കുറയുമെന്നാണ് കാലാവസ്ഥ വകുപ്പിന്റെ മുന്നറിയിപ്പെന്ന് അദ്ദേഹം പറഞ്ഞു.
ഡാമുകളുടെ സ്ഥിതി നിയന്ത്രണ വിധേയമാണ്. പൊതു ജനങ്ങൾ ജാഗ്രത പാലിക്കണം, എന്നാൽ ഭയപ്പെടേണ്ട ആവശ്യമില്ലെന്നും മന്ത്രി വ്യക്തമാക്കി. സംസ്ഥാനത്ത് കഴിഞ്ഞ കുറച്ച് ദിവസമായി തുടരുന്ന ശക്തമായ മഴ 24 മണിക്കൂര് കൂടി തുടരാന് സാധ്യതയുണ്ടെന്ന് മന്ത്രി കെ. രാജന് പറഞ്ഞു. നാളെ വൈകുന്നേരത്തോടെ ദുർബലമാകുന്ന മഴ 12ാം തീയതിയോടെ വീണ്ടും ശക്തമാകും. കളക്ടർമാരുമായി ദിവസവും രാവിലെ ആശയ വിനിമയം നടത്തുന്നുവെന്നും അദ്ദേഹം പറഞ്ഞു.
