മംഗലപുരം : മംഗലപുരം സ്വദേശിനിയായ ബീനകുമാരിയ്ക്കും കുടുംബത്തിനും സ്നേഹവീടൊരുക്കി ഡി വൈ എഫ് ഐ . ഇനി മഴയെ പേടിക്കാതെ സമാധാനത്തോടെ അന്തിയുറങ്ങാം. വർഷങ്ങളായിട്ടുള്ള ബീനകുമാരിയുടെ സ്വപ്നമാണ് ഡിവൈഎഫ്ഐ മംഗലപുരം മേഖല കമ്മിറ്റിയുടെ നേതൃത്വത്തിൽ സാക്ഷാൽകരിക്കപ്പെടുന്നത്. മൺകട്ടകൾ അടുക്കിയതും ടാർപ്പോളിനും ഫ്ലെക്സും പാകിയതുമായ വീടിന്റെ അവസ്ഥ കണ്ടാണ് ഡിവൈഎഫ്ഐ പ്രവർത്തകർ വീട് നിർമ്മാണത്തിനുള്ള പ്രവർത്തനം ആരംഭിച്ചത്.
ശനിയാഴ്ച വൈകുന്നേരം 5 മണിക്ക് സ്നേഹവീടിന്റെ താക്കോൽദാനം എൽ ഡി എഫ് കൺവീനർ ഇ പി ജയരാജൻ നിർവഹിക്കും. കഴിഞ്ഞവർഷം നവംബറിൽ സിപിഐഎം മംഗലപുരം ഏരിയ സെക്രട്ടറി മധു മുല്ലശേരി തറക്കല്ലിട്ട കെട്ടിടം എട്ടുമാസം കൊണ്ടാണ് പൂർത്തിയായത്. ആക്രിപെറുക്കിയും ന്യൂസ്പേപ്പർ തുടങ്ങിയ ചലഞ്ചുകളിൽ നിന്നുമായി യൂണിറ്റുകളിൽ നിന്നും കണ്ടെത്തിയ തുകയും നാട്ടുകാരുടെയും സഹായത്തോടെയാണ് വീടിന്റെ നിർമ്മാണം എട്ടു മാസത്തിനുള്ളിൽ പൂർത്തീകരിക്കരിക്കാനായത്.
യോഗത്തിൽ സിപിഐഎം ജില്ലാ സെക്രട്ടറി വി ജോയി എം എൽ എ, മംഗലപുരം ഏരിയ സെക്രട്ടറി മധു മുല്ലശേരി, ഡി വൈ എഫ് ഐ ജില്ലാ സെക്രട്ടറി ഷിജു ഖാൻ, പ്രസിഡന്റ് വി അനൂപ് എന്നിവർ പങ്കെടുക്കും
