കോഴിക്കോട്: ഫറോക്കിൽ കഞ്ചാവുമായി യുവാവ് അറസ്റ്റില്‍. കോഴിക്കോട് സ്വദേശിയായ ജംഹർ അലി എന്നയാളെയാണ് 5.100 കിലോഗ്രാം കഞ്ചാവുമായി കസ്റ്റഡിയിലെടുത്തത്. ഫറോക്ക് എക്സൈസ് ഇൻസ്പെക്ടർ മനോജ് പടിക്കത്തും പാർട്ടിയുംഐ ബി പ്രിവന്റീവ് ഓഫീസർ പ്രവീൺകുമാർ നൽകിയ വിവരത്തിന്റെ അടിസ്ഥാനത്തിലാണ് പ്രതിയെ പിടികൂടിയത്.
കോഴിക്കോട് സെൻട്രല്‍ മാർക്കറ്റില്‍ മീന്‍ കയറ്റിറക്കു തൊഴിലാളിയായ അലി, കോയമ്പത്തൂരില്‍ നിന്നും കഞ്ചാവ് വാങ്ങി ചില്ലറ വില്പ്പന നടത്തി വരികെയാണ് എക്സൈസിന് ലഭിച്ച രഹസ്യ വിവരത്തെ തുടർന്നുള്ള പരിശോധനയില്‍ പിടിയിലായത്. പാർട്ടിയിൽ പ്രിവന്റീവ് ഓഫീസർമാരായ പ്രവീൺ കുമാർ( EI&IB), പ്രവീൺ ഐസക്ക് സിവിൽ ഓഫീസറുമാരായ സന്ദീപ്, അനിൽ, പ്രശാന്ത്, വനിത സിവിൽ എക്സൈസ് ഓഫീസർ ബിജിഷ എന്നിവർ ഉണ്ടായിരുന്നു.
