നേമം: നേമം ഗവ.ആയുർവേദ ഡിസ്പെൻസറിയിൽ അസ്ഥി സാന്ദ്രതാ നിർണ്ണയവും പെരിഫെറൽ ന്യൂറോപ്പതി പരിശോധനയും സംബന്ധിച്ച് ക്യാമ്പ് സംഘടിപ്പിക്കുന്നു. ഓഗസ്റ്റ് 9 ന് 10 മണിക്ക് വെള്ളായണി ജംങ്ഷനിൽ പ്രവർത്തിക്കുന്ന നേമം ഗവ.ആയുർവേദ ഡിസ്പെൻസറിയിൽ വച്ചാണ് ക്യാമ്പ് നടത്തുന്നത്. ക്യാമ്പിന്റെ ഉദ്ഘാടനം കോർപ്പറേഷൻ ആരോഗ്യ സ്റ്റാൻഡിംഗ് കമ്മറ്റി ചെയർപേഴ്സൺ ഗായത്രി ബാബു നിർവഹിക്കും.
മുൻകൂട്ടി രജിസ്റ്റർ ചെയ്തവർക്ക് ഈ സൗകര്യം സൗജന്യമായി ലഭിക്കുന്നതാണ്.നേമം കൗൺസിലർ ദീപിക അധ്യക്ഷത വഹിക്കുന്ന യോഗത്തിൽ സീനിയർ മെഡിക്കൽ ഓഫീസർ ഡോ. ഷർമദ് ഖാൻ,യോഗ ഇൻസ്ട്രക്ടർ ഡോ. ആരതി ശശിധരൻ തുടങ്ങിയവർ പങ്കെടുക്കും.
