തിരുവനന്തപുരം: പതിനഞ്ചാമത് ദേശീയ കളരിപ്പയറ്റ് ചാമ്പ്യൻഷിപ്പ് മൽസരങ്ങൾക്ക് തുടക്കം കുറിച്ചു . സായി എൽ എൻ സിപിയിലാണ് മത്സരങ്ങൾ ആരംഭിച്ചത്. കായിക മന്ത്രി വി അബ്ദു റഹ്മാൻ ഉദ്ഘാടനകർമ്മം നിർവഹിച്ചു. . കളരിപ്പയറ്റിന് ദേശീയ തലത്തിൽ കൂടുതൽ അംഗീകാരവും പ്രശസ്തിയും നേടി എടുക്കുന്നതിനായി സംസ്ഥാന സർക്കാർ മുൻകൈ എടുക്കുമെന്ന് മന്ത്രി പറഞ്ഞു.ചടങ്ങിൽ സായി എൽ എൻ സി പി പ്രിൻസിപ്പൽ ഡോ. ജി കിഷോർ മുഖ്യാതിഥിയായിരുന്നു.
ഇന്ത്യൻ കളരിപ്പയറ്റ് ഫെഡറേഷൻ സെക്രട്ടറി ജനറൽ അഡ്വ. പൂന്തുറ സോമൻ , സ്പോർട്സ് കൗൺസിൽ പ്രസിഡന്റ് യു ഷറഫലി , സ്പോർട്സ് കൗൺസിൽ സെക്രട്ടറി എ ലീന , കേരള കളരിപ്പയറ്റ് അസോസിയേഷൻ സെക്രട്ടറി അഡ്വ. ആർ വസന്ത മോഹൻ തുടങ്ങിയവർ ഉദ്ഘാടന ചടങ്ങിൽ പങ്കെടുത്തു.പതിമൂന്നാം തീയതി വരെയാണ് മത്സരങ്ങൾ നടക്കുക.ഏഴിനങ്ങളിലായി നടക്കുന്ന മത്സരങ്ങളിൽ സംസ്ഥാന മത്സരങ്ങളിൽ വിജയിച്ച എഴുന്നൂറോളം താരങ്ങളാണ് മാറ്റുരയ്ക്കാൻ എത്തുക .
