കെഎസ്ആർടിസിയിൽ ശമ്പളം പണമായി തന്നെ കൊടുക്കണം കൂപ്പൺ വിതരണം അനുവദിക്കില്ലെന്ന് ഹൈക്കോടതി.ജീവനക്കാർക്ക് ശമ്പളം നൽകേണ്ട കാര്യം എപ്പോഴും കോടതിയെ കൊണ്ട് ഓർമിപ്പിക്കുന്നത് എന്തിനെന്ന് കോടതി ചോദിച്ചു.
ഉന്നത സമിതി യോഗം ചേർന്ന് കെഎസ്ആർടിസിയിൽ ശമ്പളം കൊടുക്കാൻ എന്ത് തീരുമാനമെടുത്തതെന്നു കോടതി ചോദിച്ചു. പണം തരില്ലെന്ന് പറയാനാണോ മൂന്ന് മന്ത്രിമാർ ചേർന്ന് യോഗം നടത്തിയത്, എന്തുകൊണ്ട് സർക്കാരിന് പണം നൽകാൻ കഴിയുന്നില്ല, ശമ്പളം പണമായിത്തന്നെ കൊടുക്കണം.കൂപ്പൺ വിതരണം അനുവദിക്കില്ല എന്നും കോടതി കൂട്ടിച്ചേർത്തു.
