പാലക്കാട്: സ്വകാര്യ ട്രാവൽസിന്‍റെ ബസ് മറിഞ്ഞ് അപകടം. അപകടത്തിൽ രണ്ടു പേർ മരിച്ചു. പാലക്കാട് തിരുവഴിയോടാണ് സംഭവം. ചെന്നൈയിൽ നിന്ന് കോഴിക്കോട്ടേക്ക് പോകുകയായിരുന്ന ബസാണ് അപകടത്തിൽപ്പെട്ടത്. ഒരു സ്ത്രീയും പുരുഷനുമാണ് മരിച്ചതെന്നാണ് പ്രാഥമിക വിവരം. നിരവധി പേര്‍ക്കു പരുക്കുണ്ട്. ജീവനക്കാര്‍ ഉള്‍പ്പെടെ 38 പേരാണ് ബസില്‍ ഉണ്ടായിരുന്നത്.
സംഭവം നടന്നത് പുലർച്ചെ 7.45 ഓടെയാണ്. ഇറക്കത്തിൽ നിയന്ത്രണം വിട്ട് ബസ് മറിഞ്ഞതാവാമെന്നാണ് റിപ്പോർട്ടുകൾ. അപകടമുണ്ടായത് കാര്‍ഷിക വികസന ബാങ്കിന്‍റെ മുന്നിലാണ്.
