തിരുവനന്തപുരം: സംസ്ഥാനത്ത് ഓണ വിപണികളിൽ ലഭ്യമാകുന്ന ഭക്ഷ്യ വസ്തുക്കളുടെ ഗുണനിലവാരവും, സുരക്ഷയും ഉറപ്പുവരുത്തുന്നതിനായി ഭക്ഷ്യ സുരക്ഷാ വകുപ്പിന്റെ നേതൃത്വത്തില് സംസ്ഥാന വ്യാപകമായി ഭക്ഷ്യ, വ്യാപാര സ്ഥാപനങ്ങളില് പരിശോധന ആരംഭിച്ചതായി ആരോഗ്യ മന്ത്രി വീണാ ജോര്ജ്.
സംസ്ഥാനത്താകെ 637 ഭക്ഷ്യ സുരക്ഷാ പരിശോനകള് നടത്തി. ലൈസന്സില്ലാതെയും വൃത്തിഹീനമായ സാഹചര്യത്തിലും പ്രവര്ത്തിച്ച 6 സ്ഥാപനങ്ങളുടെ പ്രവര്ത്തനം നിര്ത്തി വയ്പ്പിച്ചു. വരും ദിവസങ്ങളിലും പരിശോധനകള് തുടരുമെന്നും മന്ത്രി അറിയിച്ചു. ഗുരുതര വീഴ്ചകള് കണ്ടെത്തിയ 54 സ്ഥാപനങ്ങള്ക്ക് പിഴ ഈടാക്കുന്നതിനുള്ള നോട്ടീസും 58 കടകള്ക്ക് റെക്ടിഫിക്കേഷന് നോട്ടീസും നല്കി. 3 സ്ഥാപനങ്ങള്ക്കെതിരെ അഡ്ജ്യൂഡിക്കേഷന് നടപടികള് ക്കായി ശുപാര്ശ ചെയ്തു. 6 സ്ഥാപനങ്ങള്ക്ക് ഇംപ്രൂവ്മെന്റ് നോട്ടീസ് നല്കി. 72 സ്റ്റാറ്റ്യുട്ടറി സാമ്പിളുകളും 167 സര്വൈലന്സ് സാമ്പിളുകളും ശേഖരിച്ച് ലാബുകളില് പരിശോധനക്കായി അയച്ചു.
