പത്തനംതിട്ട: ആറന്മുള ഉതൃട്ടാതി വള്ളം കളിയില്‍ മൂന്ന് പള്ളിയോടങ്ങള്‍ മറിഞ്ഞു.വന്മഴി, മാലക്കര പള്ളിയോടങ്ങളാണ് മറിഞ്ഞത്. കാണാതായ തുഴച്ചില്‍കാരെ കണ്ടെത്തി, എല്ലാവരെയും രക്ഷിക്കാനായി.ആര്‍ക്കും പരുക്കുകളില്ല.
ഹീറ്റ്‌സ് മത്സരങ്ങള്‍ പുരോഗമിക്കുന്നതിനിടെയാണ് അപകടം ഉണ്ടായത്.
ഉടന്‍ തന്നെ ഫയര്‍ ഫോഴ്‌സ് രംഗത്തിറങ്ങി രക്ഷാ പ്രവര്‍ത്തനം നടത്തി. എന്നാല്‍ കരക്കെത്തിയ ശേഷമാണ് മറിഞ്ഞ വന്മഴി പള്ളിയോടത്തിലെ തുഴച്ചില്‍കാരായ നാല് പേരെ കാണാനില്ലെന്ന് പറഞ്ഞത്. സ്ഥലത്ത് ഇവര്‍ക്കായി തെരച്ചില്‍ നടത്തി ഉടന്‍ തന്നെ കണ്ടെത്തുകയായിരുന്നു.
