ഡൽഹി: തമിഴ്നാട് മന്ത്രി ഉദയനിധി സ്റ്റാലിന്റെ സനാതന പരാമർശത്തിൽ പ്രതികരണവുമായി പ്രധാനമന്ത്രി നരേന്ദ്രമോദി രംഗത്ത്. സനാതന ധർമ്മം എക്കാലവും നിലനിൽക്കുമെന്നും ആർക്കും ഉന്മൂലനം ചെയ്യാനാവില്ലെന്ന് മോദി വ്യക്തമാക്കി. ആദ്യമായിട്ടാണ് സനാതന ധർമ്മ പരാമർത്തിൽ പ്രതികരണവുമായി പ്രധാനമന്ത്രി രംഗത്തെത്തുന്നത്.
സനാതന ധർമ്മം പിന്തുടരുന്നവർ ഉണരണം. തട്ടിപ്പുകാരെ തിരിച്ചറിയണമെന്നും മോദി പറഞ്ഞു. ഇന്ത്യാ സഖ്യത്തേയും മോദി വിമർശിച്ചു. ഹിന്ദു വിരുദ്ധരാണ് ഇന്ത്യ സഖ്യത്തിലുള്ള പാർട്ടികൾ. സനാതന ധർമ്മത്തെ തകർക്കാനാണ് ഇന്ത്യ സഖ്യത്തിന്റെ നീക്കമെന്ന് മോദി ആരോപിച്ചു. ഈ സഖ്യത്തിനെതിരെ ഭാരതീയർ ജാഗ്രത പാലിക്കണമെന്നും അദ്ദേഹം കൂട്ടിച്ചേർത്തു.
