ദുബായ്: ദുബായ് നഗരവാസികളെ ആകാംക്ഷാഭരിതരാക്കി പറക്കും മനുഷ്യൻ. ആർടിഎ സംഘടിപ്പിക്കുന്ന സ്വയം നിയന്ത്രിത വാഹനങ്ങളുടെ സമ്മേളനത്തിൽ പങ്കെടുക്കാനാണ് ഇദ്ദേഹം ദുബായിൽ എത്തിയത്. ആർടിഎ അധികൃതരും നാട്ടുകാരും നോക്കിനിൽക്കെ ഇദ്ദേഹം തന്റെ പറക്കും പ്രകടനങ്ങൾ പുറത്തെടുത്തു.
ഇംഗ്ലണ്ടിൽ നിന്നുള്ള ഈ പറക്കും മനുഷ്യൻ സ്വയം പറക്കാൻ ഗവേഷണം നടത്തുന്ന ഗ്രാവിറ്റി ഇൻഡസ്ട്രീസ് എന്ന സ്ഥാപനത്തിലെ പരീക്ഷണ പറക്കൽ പൈലറ്റും ഡിസൈനറും ഒക്കെയാണ് ഇദ്ദേഹം.
സമ്മേളനം നടക്കുന്ന ദുബായ് വേൾഡ് ട്രേഡ് സെന്ററിന്റെ പാർക്കിംഗ് ലോട്ടിൽ ആർടിഒ ചെയർമാൻ മതാർ അൽതായറും നാട്ടുകാരും ഒക്കെ നോക്കി നിൽക്കെയാണ് സാം റോജർ പറന്നു പൊങ്ങിയത്.
