പാലക്കാട്: വാളയാർ കേസിൽ പ്രോസിക്യൂട്ടറെ മാറ്റണമെന്ന ആവശ്യവുമായി രംഗത്തെത്തിയിരിക്കുകയാണ് പെൺകുട്ടികളുടെ അമ്മ. അഡ്വ. കെ പി സതീശനാണ് നിലവിൽ പ്രോസിക്യൂട്ടർ. കേസ് അട്ടിമറിക്കാന് ശ്രമിക്കുന്നുവെന്നാണ് അമ്മയുടെ ആരോപണം. ഇത് സംബന്ധിച്ച് പെൺകുട്ടികളുടെ അമ്മ സിബിഐ ഡയറക്ടർക്ക് കത്ത് നൽകി. കേസിന്റെ ചുമതലകളിൽ നിന്നും കെ പി സതീശനെ നീക്കണമെന്നും തനിക്ക് വിശ്വാസമുള്ള മറ്റൊരാളെ സ്പെഷ്യൽ പ്രോസിക്യൂട്ടറാക്കണമെന്നും ഇവർ ആവശ്യപ്പെട്ടു.
കേസ് അട്ടിമറിക്കാൻ കെ പി സതീശൻ ശ്രമിക്കുന്നുവെന്നും പെൺകുട്ടികളുടെ അമ്മ പറഞ്ഞു. പ്രതികളുടെ നുണ പരിശോധന താന് കോടതിയിൽ എതിർത്തു എന്നത് സത്യമായ കാര്യമല്ലെന്നും കേസ് അട്ടിമറിക്കാൻ കെ പി സതീശൻ ശ്രമിക്കുന്നുവെന്നും ‘അമ്മ പറഞ്ഞു.
