കാട്ടാക്കട: കാട്ടാക്കടയില് നിന്ന് കാണാതായ കുട്ടിയെ കണ്ടെത്തി. കാട്ടാക്കടയിലേക്ക് പോയ ബസില് നിന്നാണ് ഗോവിന്ദിനെ കണ്ടെത്തിയത്. കുഞ്ഞ് ഇറങ്ങിത്തിരിച്ചത് ഫ്ലോറിഡായിലേക്ക് പോകാനാണ്. അച്ഛനോട് ഫ്ലോറിഡയെ കുറിച്ച് സംസാരിച്ചിട്ടുണ്ട് .എങ്ങനെ പോകണം എന്ന് ചോദിച്ചപ്പോൾ അതിന് പാസ്പോർട്ട് വേണ്ടിവരും അങ്ങനെയൊക്കെയാണ് പോകുന്നത് എന്ന് അച്ഛൻ പറഞ്ഞിരുന്നു .അങ്ങനെ അല്ലാതെ പോകാൻ പറ്റില്ലേ? ,ഞാൻ പോയി നോക്കിയാലോ എന്നും ഇവൻ അച്ഛനോട് ചോദിച്ചു.
അങ്ങനെ ചോദിച്ചപ്പോൾ തമാശ രൂപേണ അച്ഛൻ പോയി നോക്കാൻ അന്ന് പറഞ്ഞിരുന്നു. അങ്ങനെ ആണ് കയ്യിൽ ഉണ്ടായിരുന്ന 300 രൂപയും കൊണ്ട് കുട്ടി ഫ്ലോറിഡയിലേക്ക് പോകാൻ ഇറങ്ങിയത്.
കാട്ടാക്കട വന്ന് ബാലരാമപുരത്ത് പോവുകയും അവിടുന്ന് പിന്നെ തിരിച്ചു വീണ്ടും കാട്ടാക്കടയും തുടർന്ന് നെയ്യാർ ഡാമിൽ പോയി തിരിച്ചു വരുമ്പോഴാണ് കുട്ടിയെ മറ്റൊരാൾ കാണുകയും അറിയിക്കുകയും ചെയ്തത്.
ഇന്ന് പുലര്ച്ചെ മുതലാണ് കുട്ടിയെ കാണാതായത്. കത്ത് എഴുതിവെച്ചശേഷം കുട്ടി വീട് വീട്ടിറങ്ങുകയായിരുന്നു. ആനാകോട് അനുശ്രീയിൽ അനിൽകുമാറിന്റെ മകനാണ്. സംഭവം അറിഞ്ഞ ഉടൻ തന്നെ മാതാപിതാക്കൾ കാട്ടാക്കട പോലീസിൽ വിവരമറിയിച്ചിരുന്നു.
കള്ളിക്കാട് ചിന്താലയ സ്കൂളിൽ എട്ടാം ക്ലാസിൽ ആണ് കുട്ടി പഠിക്കുന്നത്. 8 എ യിലെ സുഹൃത്തിന് കളർ പെൻസിലുകൾ നൽകണമെന്നും ഞാൻ പോകുന്നുവെന്നുമാണ് കത്തിൽ എഴുതിയിരിക്കുന്നത്.
