തിരുവനന്തപുരം: വയലാര്‍ അവാര്‍ഡ് നേട്ടത്തിൽ പ്രതികരണവുമായി ശ്രീകുമാരന്‍ തമ്പി. പലതവണ മനപൂര്‍വം തനിക്ക് തരാതിരുന്നതാണ് വയലാര്‍ അവാര്‍ടെന്ന് ശ്രീകുമാരൻ തമ്പി. നാല് തവണ വയലാര്‍ അവാര്‍‍‍ഡിന് തന്നെ തെരഞ്ഞെടുത്തതാണ്. എന്നാൽ മനഃപൂർവും തന്നെ ഒഴിവാക്കുകയായിരുന്നുവെന്നും അദ്ദേഹം പറഞ്ഞു.
ഒരു മഹാകവി ഇടപെട്ട് തന്‍റെ പേര് വെട്ടിയെന്നും താൻ മലയാള അക്ഷരം മുഴുവൻ പഠിച്ചിട്ട് വരട്ടെ എന്നാണ് ആ മഹാകവി പറഞ്ഞത്. ആ മഹാകവിയെക്കാൾ കൂടുതൽ പാട്ടുകൾ താൻ എഴുതിയിട്ടുണ്ട്.എന്നെങ്കിലും സത്യം വിജയിക്കുമെന്ന് തെളിഞ്ഞുവെന്നും എന്നോടൊപ്പം ജനങ്ങളും എൻ്റെ പാട്ടുകളും ഉണ്ട്. ഇപ്പൊൾ എന്നെ ഒഴിവാക്കാൻ കഴിയാത്തതിനാലാണ് അവാർഡ് ലഭിച്ചതെന്നാണ് ശ്രീകുമാരൻ തമ്പിയുടെ പ്രതികരണം. യഥാര്‍ഥ പ്രതിഭയെ തോല്‍പ്പിക്കാനാവില്ലെന്നും അദ്ദേഹം വ്യക്തമാക്കി.
