പെരുമാതുറ : ഫലസ്തീൻ ജനതയ്ക്ക് ഐക്യദാർഢ്യം പ്രഖ്യാപിച്ച് പെരുമാതുറയിൽ ഐക്യദാർഢ്യ റാലിയും സംഗമവും സംഘടിപ്പിച്ചു. പെരുമാതുറ ജമാഅത്ത് കോഡിനേഷൻ കമ്മിറ്റിയുടെ നേതൃത്വത്തിലാണ് ഐക്യദാർഢ്യ റാലിയും സംഗമവും സംഘടിപ്പിച്ചത്. പുതുക്കുറിച്ചി മുഹിയുദ്ദീൻ പള്ളി അങ്കണത്തിൽ നിന്നാരംഭിച്ച റാലി ഒറ്റപന, ഇടപ്പള്ളി, വടക്കേ പെരുമാതുറയിലെത്തി തിരിക്കെ പെരുമാതുറ ജംഗ്ഷനിൽ സമാപിച്ചു.
പെരുമാതുറ സെൻട്രൽ ജുംആ മസ്ജിദ് അങ്കണത്തിൽ നടന്ന സംഗമം ചീഫ് ഇമാം മുഹമ്മദ് ഷിബിലി മന്നാനി ഉദ്ഘാടനം ചെയ്തു. പെരുമാതുറ ജമാഅത്ത് കോഡിനേഷൻ കമ്മിറ്റി ചെയർമാൻ സെയ്യ്ദലവി അധ്യക്ഷത വഹിച്ചു. വൈസ് ചെയർമാൻ അബ്ദുൽ വാഹിദ്, കൺവീനർ എം ബഷറുള്ള, എൻ എം നാസർ, വിവിധ മഹല്ലുകളിലെ ചീഫ് ഇമാമുന്മാരായ റഹ്മത്തുള്ള അൽ കൗസരി, സൽമാൻ അൽ ഖാസിമി, ഹസീൻ മന്നാനി തുടങ്ങിയവർ സംസാരിച്ചു.
