ചെന്നൈ: ചെന്നൈ തുറമുഖത്ത് കപ്പലിൽ സ്ഫോടനം. അറ്റകുറ്റപ്പണിക്കിടെയാണ് സ്ഫോടനം നടന്നത്. ചെന്നൈ തുറമുഖത്ത് എണ്ണക്കപ്പലിലുണ്ടായ പൊട്ടിത്തെറിയിൽ ഒരാൾ മരിച്ചു. തൊഴിലാളിയായ തൊണ്ടിയാർപേട്ടിലെ സഹായ തങ്കരാജാണ് മരിച്ചത്. മൂന്ന് പേർക്ക് ഗുരുതരമായി പരിക്കേൽക്കുകയും ചെയ്തു. ജോഷ്വ, രാജേഷ്, പുഷ്പലിംഗം എന്നീ മൂന്ന് പേർക്കാണ് പരിക്കേറ്റത്. ഇവരെ കിൽപ്പോക്ക് സർക്കാർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
കപ്പലിലെ ഗ്യാസ് പൈപ്പ് ലൈൻ പൊട്ടിയാണ് അപകടമുണ്ടായതെന്നാണ് പ്രാഥമിക വിവരം. ഒഡീഷയിൽ നിന്ന് എത്തിയ എണ്ണക്കപ്പലിലാണ് അപകടം നടന്നത്.
