തിരുവനന്തപുരം: നവകേരള സദസിനായി ഉപയോഗിക്കുന്ന ബസ് മ്യൂസിയത്തിൽ വച്ചാൽ ലക്ഷങ്ങള് കാണാനെത്തുമെന്ന് സിപിഎം കേന്ദ്രകമ്മിറ്റി അംഗം എ.കെ ബാലൻ. മാത്രമല്ല പരിപാടിക്ക് ശേഷം ബസ് വില്ക്കാന് സര്ക്കാര് തീരുമാനിച്ചാല് ഇരട്ടിയലധികം വില ലഭിക്കുമെന്നും എ.കെ ബാലന് പറഞ്ഞു.
ലോകത്തിലെ ആദ്യ സംഭവം ആണ് ചലിക്കുന്ന ക്യാബിനറ്റെന്നും ഇപ്പോൾ തന്നെ ബസ് വാങ്ങാൻ ആളുവന്നിട്ടുണ്ടെന്നും ടെണ്ടര് വച്ചാല് ഇപ്പോള് വാങ്ങിയതിന്റെ ഇരട്ടി വില ലഭിക്കുമെന്നും അദ്ദേഹം പറഞ്ഞു. ബസിന്റെ കാലാവധി കഴിഞ്ഞ് മ്യൂസിയത്തിൽ വച്ചാൽ കേരളത്തിലെ മുഖ്യമന്ത്രിയും ക്യാബിനറ്റ് മന്ത്രിമാരും സഞ്ചരിച്ച വാഹനം എന്ന നിലയില് തന്നെ ലക്ഷക്കണക്കിന് ജനങ്ങള് കാണാന് വരുമെന്നും അദ്ദേഹം കൂട്ടിച്ചേർത്തു.
