തിരുവനന്തപുരം: തിരുവനന്തപുരം ജില്ലയില്‍ അരുവിക്കര ഗ്രാമപഞ്ചായത്തിലെ ഒമ്പതാം വാര്‍ഡായ മണമ്പൂരില്‍ ഡിസംബര്‍ 12ന് ഉപതെരഞ്ഞെടുപ്പ് നടക്കും. നവംബര്‍ 23 വരെ നാമനിര്‍ദ്ദേശ പത്രികകള്‍ സമര്‍പ്പിക്കാം. നാമനിര്‍ദ്ദേശ പത്രികകളുടെ സൂക്ഷ്മ പരിശോധന നവംബര്‍ 24ന് നടക്കും.
സ്ഥാനാര്‍ത്ഥിത്വം പിന്‍വലിക്കാനുള്ള അവസാന തീയതി നവംബര്‍ 27 ആണ്. ഡിസംബര്‍ 12ന് രാവിലെ ഏഴ് മുതല്‍ വൈകുന്നേരം ആറുമണി വരെയാണ് വോട്ടെടുപ്പ് നടക്കുക. ഡിസംബര്‍ 13ന് രാവിലെ 10 മണി മുതല്‍ വോട്ടെണ്ണല്‍ നടക്കും. മാതൃകാ പെരുമാറ്റച്ചട്ടം നവംബര്‍ 15 മുതല്‍ നിലവില്‍ വന്നു.
ഉപതെരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങള്‍ വിലയിരുത്തുന്നതിനായി തെരഞ്ഞെടുപ്പ് വിഭാഗം ഡെപ്യൂട്ടി കളക്ടര്‍ സബിന്‍ സമീദിന്റെ നേതൃത്വത്തില്‍ കളക്ടറേറ്റില്‍ യോഗം ചേര്‍ന്നു. വരണാധികാരി സ്മിത റാണി, ഉപവരണാധികാരി അജിത എസ്.എസ്, ബന്ധപ്പെട്ട വകുപ്പുകളിലെ ഉദ്യോഗസ്ഥര്‍ എന്നിവരും യോഗത്തില്‍ പങ്കെടുത്തു.
