ഡൽഹി: രാജസ്ഥാൻ, ഛത്തീസ്ഗഡ്, മധ്യപ്രദേശം, തെലങ്കാന എന്നീ സംസ്ഥാനങ്ങളിൽ വോട്ടെണ്ണൽ ആരംഭിച്ചു. രാവിലെ ഏട്ട് മണി മുതലാണ് വോട്ടെണ്ണൽ ആരംഭിച്ചത്. പത്തു മണിയോടെ ആദ്യ ഫലസൂചനകൾ അറിയാനാകുമെന്നാണ് പ്രതീക്ഷ.
ആദ്യം പോസ്റ്റൽ വോട്ടുകളാണ് എണ്ണുന്നത്. 4 സംസ്ഥാനങ്ങളിലേക്കുള്ള വോട്ടെണ്ണൽ ആരംഭിച്ചപ്പോൾ ആദ്യ ലീഡ് കോൺഗ്രസിനാണ്. തെലങ്കാനയിൽ ആദ്യ ഫല സൂചനകളിൽ കോൺഗ്രസാണ് മുന്നിൽ. എന്നാൽ മധ്യപ്രദേശിൽ ബിജെപിയും കോൺഗ്രസും ഒപ്പത്തിനൊപ്പമാണ്. ഛത്തിസ്ഗഡിൽ വോട്ടെണ്ണലിന്‍റെ ആദ്യ അര മണിക്കൂർ പിന്നിടുമ്പോൾ കോൺഗ്രസിനാണ് മുന്നേറ്റം. രാജസ്ഥാനിൽ ബിജെപിക്കും മുന്നേറ്റമുണ്ട്.
