തിരുവനന്തപുരം: മുഖ്യമന്ത്രിയുടെ നവ കേരള സദസു കൊണ്ട് ജനങ്ങൾക്ക് ഒരു ഉപകാരവുമില്ലെന്ന് മുതിർന്ന കോൺഗ്രസ് നേതാവ് രമേശ് ചെന്നിത്തല. ജനങ്ങൾക്ക് നന്മ ചെയ്ത മുഖ്യമന്ത്രിമാർ ലീഡറും ഉമ്മൻ ചാണ്ടിയുമായിരുന്നുവെന്നും അവരുടെ ജനസമ്പർക്കം കേരളം മറക്കില്ലെന്നും ചെന്നിത്തല പറഞ്ഞു. മുഖ്യമന്ത്രിയുടെ പരിപാടിയിൽ ഏതെങ്കിലും നിയോജക മണ്ഡലത്തിൽ ഒരു വ്യക്തിയുടെപരാതി പരിഹരിച്ചു ഉത്തരവിട്ടു എന്നറിഞ്ഞാൽ, തെളിയിച്ചാൽ ആ വ്യക്തിക്ക് ഒരു പവൻസമ്മാനമായി നൽകുമെന്നും അദ്ദേഹം വ്യക്തമാക്കി.
മുഖ്യമന്ത്രി ആലപ്പുഴ ജില്ലയിൽ പങ്കെടുത്ത ഒരു യോഗത്തിലും അടുത്തിടെ ജില്ലയിലുണ്ടായ കർഷക ആത്മഹത്യയെ കുറിച്ചോ , കുട്ടനാട്ടിലെ കൃഷി നാശത്തെ കുറിച്ചോ , കയർ മേഖലയുടെ പ്രതിസന്ധികളെ പറ്റിയോ കയർതൊഴിലാളികളുടെ പ്രയാസങ്ങളെ കുറിച്ചോ ഒന്നും പരാമർശിച്ചില്ല ഇതൊരു ജനവിരുദ്ധ യാത്രയാണെന്നും അദ്ദേഹം ആരോപിച്ചു.
