തിരുവനന്തപുരം: കലാകാരനും കഴക്കൂട്ടത്തിൻ്റെ അഭിമാനവുമായിരുന്ന ഷാജഹാൻ അന്തരിച്ചു. ടിവി സീരിയൽ ഡയറക്ടർ,അസ്സോസിയേറ്റ് ഡയറക്ടർ, നടൻ എന്നീ നിലകളിൽ തിളങ്ങിയ വ്യക്തിയാണ് ഷാജഹാൻ. ഇന്ന് പുലർച്ചെ 1.30യ്ക്കാണ് മരണപ്പെട്ടത്. ഹൃദയാഘാതം മൂലമാണ് അന്ത്യം. 51 വയസായിരുന്നു.
ഇന്നലെ രാത്രി 10.30 ഓടെ സീരിയലിൻ്റെ ഷൂട്ടിംഗ് കഴിഞ്ഞ് വീട്ടിലെത്തിയ ഷാജഹാന് പെട്ടെന്ന് നെഞ്ച് വേദന അനുഭവപ്പെടുകയും തുടർന്ന് ഉടൻ തന്നെ കഴക്കൂട്ടം എ ജെ ആശുപത്രിയിൽ എത്തിക്കുകയും ചെയ്തു. തുടർന്ന് അവിടെ നിന്ന് കോസ്മോപൊളിറ്റിയൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മൃതദേഹം കോസ്മോപൊളിറ്റിയൻ ആശുപത്രിയിൽ.
ഷാജഹാൻ്റെ വേർപാട് സീരിയൽ രംഗത്ത് മാത്രമല്ല, സമൂഹത്തിനും, കുടുംബത്തിനും നികത്താനാവാത്ത
തീരാ നഷ്ടം തന്നെയാണ്. ഭാര്യ ഹസീന. മകൾ അറഫ. എച്ച് എസ്. കഴക്കൂട്ടം, ശ്രീ നഗറിൽ SRA 68 ൽ , വാഴപ്പണ ഹൗസിലാണ് താമസം.
