മലപ്പുറം: ബസുകളുടെ മത്സരയോട്ടത്തിനിടെ, കെഎസ്ആർടിസി ബസ് നിയന്ത്രണം തെറ്റി. മലപ്പുറം കൊണ്ടോട്ടിയിലാണ് സംഭവം. അപകടത്തിൽ നിരവധി പേർക്ക് പരിക്ക്. സ്വകാര്യ ബസിനെ മറികടക്കുന്നതിനിടയാണ് അപകടം നടന്നത്. രാവിലെ കൊണ്ടോട്ടി ബസ്റ്റാൻറിന് സമീപമാണ് അപകടം ഉണ്ടായത്.
കോഴിക്കോട് പാലക്കാട് റൂട്ടിലെ കെഎസ്ആർടിസി ബസാണ് അപകടത്തിൽപ്പെട്ടത്. യാത്രക്കാരുടെ പരിക്ക് ഗുരുതരമല്ല. വലതുവശം ചേർന്ന് പോവുകയായിരുന്ന ബസിനേ ഓവർടേക്ക് ചെയ്യാനുള്ള ശ്രമത്തിനിടെ കെഎസ്ആർടിസി ബസ് ഡിവൈഡറിൽ കയറുകയായിരുന്നു. ബസ് വളക്കാനുള്ള ശ്രമത്തിനിടെയാണ് വാഹനം മറിഞ്ഞത്. സംഭവത്തെക്കുറിച്ച് കെഎസ്ആർടിസി അന്വേഷണം തുടങ്ങി.
