തിരുവനന്തപുരം: കലാമണ്ഡലം സത്യഭാമക്കെതിരെ പൊലീസ് കേസെടുത്തു. ജാമ്യമില്ലാ വകുപ്പ് ചുമത്തിയാണ് കേസെടുത്തിരിക്കുന്നത്. ഡോ ആർ എൽ വി രാമകൃഷ്ണന് നേരെ അധിക്ഷേപ പരാമർശത്തിലാണ് കേസ്. തിരുവനന്തപുരം കന്റോൺമെന്റ് പോലീസാണ് കേസെടുത്തിരിക്കുന്നത്.
കലാഭവൻ മണിയുടെ സഹോദരനും മോഹിനിയാട്ടം കലാകാരനുമായ ആർഎൽവി രാമകൃഷ്ണൻ നൽകിയ പരാതിയിൽ എസ് സി എസ്ടി അതിക്രമങ്ങൾ തടയൽ നിയമം പ്രകാരമാണ് കേസ് രജിസ്റ്റർ ചെയ്തിരിക്കുന്നത്. സത്യഭാമ ഒരു യൂട്യൂബ് ചാനല്‍ അഭിമുഖത്തിൽ തന്നെ വ്യക്തിപരമായി അപമാനിച്ചെന്നാണ് ആര്‍എല്‍വി രാമകൃഷ്ണന്‍റെ പരാതി.
