കൊച്ചി : സിഎംആർഎൽ എം.ഡി ശശിധരന് കര്ത്തയെ വീട്ടിലെത്തി ഇഡി ചോദ്യം ചെയ്തു. മാസപ്പടി കേസിലാണ് ഇ ഡിയുടെ ചോദ്യം ചെയ്യൽ. ആലുവ തോട്ടയ്ക്കാട്ടു കരയിലെ വീട്ടിലാണ് ചോദ്യം ചെയ്യൽ. 45 മിനിറ്റോളം ചോദ്യം ചെയ്യൽ നീണ്ടുനിന്നു. രണ്ട് തവണ സമൻസ് നൽകിയിട്ടും കര്ത്ത ഇ.ഡി ഓഫീസിൽ ഹാജരായിരുന്നില്ല. തുടർന്നാണ് ഇ ഡി സംഘം വീട്ടിലെത്തി മൊഴി രേഖപ്പെടുത്തിയത്.
വീട്ടിൽ നിന്ന് ചില രേഖകൾ ഇഡി കസ്റ്റഡിയിൽ എടുത്തതായിട്ടാണ് പുറത്തുവരുന്ന റിപ്പോർട്ട്. മുഖ്യമന്ത്രിയുടെ മകൾ വീണാ വിജയന്റെ എക്സാലോജിക് കമ്പനിയുമായി ബന്ധപ്പെട്ടാണ് ഇ ഡിയുടെ ചോദ്യം ചെയ്യൽ. അതേസമയം സിഎംആർഎൽ ഉദ്യോഗസ്ഥരെ ഇഡി ചോദ്യം ചെയ്യുന്നത് മൂന്നാം ദിവസത്തിലേക്ക് കടന്നിരിക്കുകയാണ്.
