തിരുവനന്തപുരം: വർക്കല ഇലക്കമണിൽ കാണാതായ വീട്ടമ്മയെ കിണറ്റിൽ മരിച്ച നിലിയിൽ കണ്ടെത്തി. പുതുവൽ വിദ്യാധര വിലാസത്തിൽ വി. സിന്ധുവിന്റെ (46) മൃതദേഹമാണ് വീട്ടുവളപ്പിലെ കിണറ്റിൽ നിന്നും കണ്ടെത്തിയത്. സാമ്പത്തിക ബാധ്യതകളാണ് മരണത്തിനു പിന്നിലെന്നാണ് സൂചന. ഇന്നലെയാണ് സംഭവം നടന്നത്. ഇന്നലെ രാവിലെ മുതൽ സിന്ധുവിനെ കാണാനില്ലായിരുന്നു. ഏറെ തിരഞ്ഞിട്ടും യാതൊരു അറിവും ലഭിക്കാത്തതിനെ തുടർന്ന് മക്കളായ നന്ദു ദാസും വിധുൻ ദാസും പരാതിയുമായി അയിരൂർ പോലീസ് സ്റ്റേഷനിലെത്തി.
തുടർന്ന് പോലീസ് സ്ഥലത്തെത്തി അന്വേഷണം ആരംഭിക്കുകയും ചെയ്തു. തടുർന്ന് വീടിന്റെ പരിസരത്ത് നടത്തിയ തിരച്ചിലിൽ കിണറിന്റെ സൈഡിൽ നിന്ന് ഒരു ചെരുപ്പ് കണ്ടെത്തുകയായിരുന്നു. വലിയ താഴ്ചയുള്ള കിണറിനകത്ത് പരിശോധന നടത്തിയപ്പോഴാണ് മൃതദേഹം കണ്ടത്. ഫയർഫോഴ്സ് സംഘം സ്ഥലത്തെത്തിയാണ് മൃതദേഹം പുറത്തെടുത്തത്.
തുടർന്നുള്ള പരിശോധനയിൽ ആത്മഹത്യ കുറിപ്പും പൊലീസ് കണ്ടെടുത്തു. കണ്ടെടുത്ത കുറിപ്പിൽ സാമ്പത്തിക പ്രശ്നങ്ങളെക്കുറിച്ച് പരാമർശം ഇല്ലെന്ന് അയിരൂർ പൊലീസ് അറിയിച്ചു. സിന്ധുവിന്റെ ഭർത്താവ് വിദേശത്താണ്.
