ക്വലാലംപുര്‍: മലേഷ്യന്‍ നാവികസേനയുടെ ഹെലികോപ്റ്ററുകള്‍ കൂട്ടിയിടിച്ച് തകര്‍ന്ന് വൻ അപകടം. സംഭവത്തിൽ 10 പേര്‍ മരിച്ചു.റോയൽ മലേഷ്യൻ നേവി പരേഡിന്റെ റിഹേഴ്‌സലിനിടെയായിരുന്നു രണ്ട് ഹെലികോപ്റ്ററുകള്‍ കൂട്ടിയിടിച്ച് അപടകം നടന്നത്.
ഇന്ന് രാവിലെ 9.32 ഓടെ ലുമുട്ട് നേവൽ ബേസിലായിരുന്നു സംഭവം നടന്നത്. എച്ച്ഒഎം എം503-3, ഫെനെക് എം 502-6 എന്നീ ഹെലികോപ്റ്ററുകളാണ് കൂട്ടിയിടിച്ചത്. അപകടത്തില്‍ മരിച്ച പത്ത് പേരും ഹെലികോപ്റ്ററുകളില്‍ ഉണ്ടായിരുന്നവരാണ്. ഒരു ഹെലികോപ്റ്ററിൽ ഏഴ് പേരും ഒന്നിൽ മൂന്ന് പേരുമാണ് ഉണ്ടായിരുന്നത്. ഇവർ സംഭവ സ്ഥലത്ത് വച്ച് തന്നെ മരിച്ചിരുന്നു. മൃതദേഹങ്ങള്‍ ലുമുത് നാവിക ആസ്ഥാനത്തെ സൈനിക ആശുപത്രിയിലേക്ക് മാറ്റി.
