മഹാരാഷ്ട്ര : സർക്കാർ വിശ്വാസവോട്ടെടുപ്പിൽ വിജയിച്ച് മുഖ്യമന്ത്രി ഏക്നാഥ് ഷിൻഡെ. വോട്ടെടുപ്പിനിടയിൽ പോലും ഒരു എംഎൽഎ കൂടി ശിവസേനയിൽ നിന്നും പടിയിറങ്ങി ഷിൻഡെക്കൊപ്പം ചേർന്നു. സന്തോഷ് ബംഗാൾ ആണ് ഇത്തരത്തിൽ അവസാന നിമിഷം ശിവസേന വിട്ടത്. 164 പേരുടെ പിന്തുണയാണ് ഷിൻഡെക്ക് ലഭിച്ചത്.
എന്നാൽ 99 എംഎൽഎമാർ സർക്കാരിൽ അവിശ്വാസം രേഖപ്പെടുത്തുകയും ചെയ്തു. ഇന്ന് രാവിലെ പതിനൊന്ന് മണിയോടെയാണ് വിശ്വാസ വോട്ടെടുപ്പ് നടന്നത്. കോൺഗ്രസ് എംഎൽഎമാർ അശോക് ചവാർ, വിജയ് വഡേട്ടിവാർ എന്നിവർ സഭയിൽ എത്തിയിരുന്നില്ല. ഇതിന്റെ കാരണമെന്തെന്ന് ഇതുവരെ വ്യക്തമാക്കിയിട്ടുമില്ല.
