തിരുവനന്തപുരം: സ്വര്ണക്കടത്ത് കേസിലെ പ്രതി സ്വപ്ന സുരേഷിനെ ജോലിയില്നിന്ന് പിരിച്ചുവിട്ടതായി സ്വകാര്യ എന്ജിഒ ആയ എച്ച്ആര്ഡിഎസ്. പാലക്കാട് ആസ്ഥാനമായി പ്രവര്ത്തിക്കുന്ന എച്ച്ആര്ഡിഎസില് സിഎസ്ആര് ഡയറക്ടറായി ഫെബ്രുവരിയിലാണ് സ്വപ്നയ്ക്ക് നിയമനം നല്കിയത്. സ്വപ്നയ്ക്കെതിരായ അന്വേഷണം സ്ഥാപനത്തെ ബാധിക്കുന്നതിനാലാണ് പിരിച്ചുവിട്ടതെന്നാണ് എച്ച്ആര്ഡിഎസ് നല്കുന്ന വിശദീകരണം.
സ്വപ്നയുടെ കൂടി താത്പര്യം മാനിച്ചതാണ് നടപടിയെന്നും അധികൃതര് പറയുന്നു. സ്വര്ണക്കടത്ത് കേസില് ജയില് മോചിതയായതിന് പിന്നാലെ ഫെബ്രുവരി 12നാണ് സ്വപ്നയ്ക്ക് എച്ച്ആര്ഡിഎസ് നിയമന ഉത്തരവ് നല്കിയത്.
