കൊല്ലം: കഴിഞ്ഞദിവസം ചത്തീസ്ഗഡില് മരിച്ച ജവാന് ആര്. സൂരജിന്റെ സംസ്കാരം കൊല്ലം ശൂരനാട്ടെ വീട്ടുവളപ്പില് നടന്നു. സൈനിക-ഔദ്യോഗിക ബഹുമതികളോടെ ആയിരുന്നു സംസ്കാരം. സിആര്പിഎഫും, കേരളപോലീസും ബഹുമതി നല്കി. മന്ത്രി ജെ. ചിഞ്ചുറാണി, കൊടിക്കുന്നില് സുരേഷ് എം.പി., കോവൂര് കുഞ്ഞുമോന് എം.എല്.എ. തുടങ്ങിയ ജനപ്രതിനിധികള് പുഷ്പചക്രം സമര്പിച്ചു.
പതാരം ഹൈസ്കൂളിലെ പൊതുദര്ശനവേളയില് സഹപാഠികളും , സുഹൃത്തുക്കളും , പൊതുജനങ്ങളും ആദരാഞ്ജലി അര്പ്പിച്ചു. സി. ആര്.പി.എഫ്. കമാന്ഡോ ആയിരുന്ന സൂരജ് വെള്ളിയാഴ്ച രാവിലെയാണ് നദിയിലെ മലവെള്ളപ്പാച്ചിലില് പെട്ട് മരിച്ചത്.
