ന്യൂഡൽഹി : നാഷണൽ ഹെറാൾഡ് കേസിൽ ചോദ്യം ചെയ്യലിന് ഹാജരാകാൻ സോണിയ ഗാന്ധി. ഈ മാസം 21 നാണു ചോദ്യം ചെയ്യലിന് ഹാജരാകുവാൻ എൻഫോഴ്സ്മെന്റ് ഡയറക്റ്ററേറ്റ് നോട്ടീസ് നൽകിയിരിക്കുന്നത്. ആരോഗ്യ കാരണങ്ങളെ തുടർന്നാണ് മുൻപ് നോട്ടീസ് ലഭിച്ചിരുന്നിട്ടും സോണിയ ഗാന്ധി ചോദ്യം ചെയ്യലിന് ഹാജരാകാതിരുന്നത്.
രാഹുൽ ഗാന്ധിയെ കഴിഞ്ഞ മാസം തുടർച്ചയായി ചോദ്യം ചെയ്തിരുന്നു. അതേസമയം തന്നെ കോൺഗ്രസ് പ്രവർത്തകൻ ഡൽഹിയിലെ ഇ ഡി കാര്യാലയത്തിന് മുന്നിൽ വലിയ സംഘർഷങ്ങൾ സൃഷ്ടിക്കുകയും ചെയ്തിരുന്നു. സോണിയ ഗാന്ധിയെ ചോദ്യം ചെയുന്ന ജൂലൈ 21 നു രാജ്യവ്യാപകമായി പ്രതിഷേധങ്ങൾ സംഘടിപ്പിക്കാനാണ് കോൺഗ്രസ് പ്രവർത്തകരുടെ നീക്കം എന്നും റിപ്പോർട്ടുകളുണ്ട്.
