മുംബൈ: തണുത്ത് വിറച്ച് മുംബൈ. ഏറ്റവും കുറഞ്ഞ താപനില ഞായറാഴ്ച മുംബൈയിൽ രേഖപ്പെടുത്തി. അന്തരീക്ഷ താപനില 13.8 ഡിഗ്രി സെൽഷ്യസായി. അടുത്ത 2 ദിവസത്തേക്ക് താപനില13 ഡിഗ്രി സെൽഷ്യസായി തുടരുമെന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) പ്രവചിച്ചു. അന്തരീക്ഷത്തിലെ തണുപ്പിന് കാരണം നഗരത്തിന് മുകളിൽ നിലനിൽക്കുന്ന വടക്ക്-കിഴക്കൻ കാറ്റാണ്.
ഈ സീസണിൽ രേഖപ്പെടുത്തിയ രണ്ടാമത്തെ ഏറ്റവും കുറഞ്ഞ താപനില ഡിസംബർ 25-ന് 15 ഡിഗ്രി സെൽഷ്യസ് ആയിരുന്നു. 2011-ൽ ആയിരുന്നു ജനുവരി മാസത്തിൽ കഴിഞ്ഞ 10 വർഷത്തിനിടെ മുംബൈയിൽ രേഖപ്പെടുത്തിയ ഏറ്റവും കുറഞ്ഞ താപനില. അന്ന് 10 ഡിഗ്രി സെൽഷ്യസായിരുന്നു രേഖപ്പെടുത്തിയത്. ബുധനാഴ്ചയോടെ താപനില വീണ്ടും 17 ഡിഗ്രി സെൽഷ്യസായി ഉയരാൻ സാധ്യതയുണ്ടെന്ന് റിപ്പോർട്ടിൽ പറയുന്നു.
