പത്തനംതിട്ട: കോന്നി താലൂക്ക് ഓഫീസിൽ ഉല്ലാസയാത്രക്കായി ജീവനക്കാർ കൂട്ട അവധിയെടുത്ത സംഭവത്തിൽ ജില്ലാ കളക്ടർ ദിവ്യ എസ് അയ്യർ റിപ്പോർട്ട് സമർപ്പിച്ചു. ലാൻഡ് റവന്യു കമ്മീഷണർക്കാണ് റിപ്പോർട്ടു നൽകിയത്. ഉല്ലാസ യാത്ര പോയ ജീവനക്കാർ ഔദ്യോഗികമായി അവധി എടുത്തവരാണെന്നാണ് റിപ്പോർട്ടിൽ പറയുന്നത്. എന്നാൽ ഈ കൂട്ട അവധി ഓഫീസിൽ എത്തിയ പൊതുജനങ്ങൾക്ക് ബുദ്ധിമുട്ടുണ്ടാക്കിയെന്നും റിപ്പോർട്ടിൽ പറയുന്നു. ലാൻഡ് ററവന്യു കമ്മീഷണറാണ് റിപ്പോർട്ട് പരിശോധിച്ച ശേഷം നടപടിയെടുക്കേണ്ടത്.
റവന്യൂ ഓഫീസുകളില് ജീവനക്കാര്ക്ക് അവധി നല്കുന്നതില് മാര്ഗരേഖ കൊണ്ടുവരാനാണ് റവന്യു വകുപ്പ് ആലോചിക്കുന്നത്. കോന്നി താലൂക്ക് ഓഫീസിലെ അവധി വിവാദത്തിന്റെ പശ്ചാത്തലത്തിലാണ് ഈ തീരുമാനം. കൂട്ട അവധിയിൽ നടപടി സ്വീകരിച്ച ശേഷമാവും മാർഗരേഖ പരിഗണിക്കുക. ഇന്ന് ചേരുന്ന റവന്യു സെക്രട്ടറിയേറ്റ് യോഗം ഇക്കാര്യം ചർച്ച ചെയ്യും. വിശദമായ കൂടിയാലോചനക്കുശേഷമാവും മാർഗരേഖ കൊണ്ടു വരിക.
കോന്നി താലൂക്ക് ഓഫീസിലെ റവന്യു വിഭാഗത്തിലെ ജീവനക്കാരാണ് കഴിഞ്ഞ ദിവസം കൂട്ട അവധിയെടുത്ത് ഉല്ലാസയാത്ര പോയിത്. ആകെയുള്ള 63 പേരിൽ 21 ജീവനക്കാർ മാത്രമാണ് ഓഫീസിൽ എത്തിയത്.
