കഴക്കൂട്ടം: കഠിനംകുളം പുതുക്കുറിച്ചി എൽ.പി. സ്കൂളിന് നിർമ്മിച്ച് നൽകിയ ആഡിറ്റോറിയത്തിൻ്റെ ഉദ്ഘാടനം വി.ശശി എം.എൽ.എ നിർവ്വഹിച്ചു. കഴക്കൂട്ടം ടെക്നോപാർക്കിലെ ജെമിനി സോഫ്റ്റ് വെയർ സൊലൂഷൻസ് മാനേജ്മെൻ്റിൻ്റെ സി.ആർ. എസ് ഫണ്ടിൽ നിന്നും 19. 50 ലക്ഷം രൂപം ചെലവഴിച്ചാണ് ആഡിറ്റോറിയം നിർമ്മിച്ചത്.
കടുത്ത ചൂടിൽ അസംബ്ലി ചേരുന്നതുൾപ്പെടെയുള്ള സ്കൂൾ വിദ്യാർത്ഥികളുടെ ബുദ്ധിമുട്ടുകൾ സ്കൂൾ വികസന സമിതിയും വാർഡ് മെമ്പർ ബി. കബീറും ചൂട്ടികാട്ടി കമ്പനിക്ക് നൽകിയ അപേക്ഷ പരിഗണിച്ച് കൊണ്ടാണ് ഓഡിറ്റോറിയം നിർമ്മിക്കാൻ കമ്പനി തയ്യാറായത്. കഠിനംകുളം പഞ്ചായത്ത് പ്രസിഡൻ്റ് അജിത അനി അധ്യക്ഷത വഹിച്ച ചടങ്ങിൽ’ സ്കൂൾ ഹെഡ്മിസ്ട്രസ് സൗദാബീവി സ്വാഗതം ആശംസിച്ചു. ഓഡിറ്റോറിയം സമർപ്പണ പ്രഖ്യാപനം കമ്പനി ഡയറക്ടർ രഞ്ജിത് ഡാർവിൻ നിർവ്വഹിച്ചു.
പോത്തൻകോട് ബ്ലോക്ക് പഞ്ചായത്ത് പ്രസിഡൻ്റ് ഹരിപ്രസാദ്, കഠിനംകുളം പഞ്ചായത്ത് അംഗങ്ങളായ കബീർ ബി, സതീഷ് ഇവാനിയോസ്, സെയ്ദലവി ശിഹാബുദ്ദീൻ തങ്ങൾ, ലോറൻസ് ഫെർണാണ്ടസ്, ഗാന്ധിയൻ ഉമ്മർ തുടങ്ങിയവർ പങ്കെടുത്തു.
