തിരുവനന്തപുരം: തുമ്പ പോലീസ് സ്റ്റേഷൻ പരിധിയിലെ കുഞ്ചാലുംമൂട് പടിഞ്ഞാറേ നട ക്ഷേത്രത്തിനുള്ളിൽ സൂക്ഷിച്ചിരുന്ന കാണിക്ക വഞ്ചി കുത്തിത്തുറന്ന് മോഷണം നടത്തിയ പ്രതി പിടിയിൽ. 6000ത്തോളം രൂപയാണ് മോഷണം പോയത്. കഠിനംകുളം ശാന്തിപുരം സ്വദേശി രാജിവാണ് പിടിയിലായത്. ചിറയിൻകീഴ് മുടപുരത്ത് നിന്നും തുമ്പ പോലീസ് സ്റ്റേഷൻ ഇൻസ്പെക്ടർ എസ്. എച്ച്.ഒ ആർ. ശിവകുമാറിന്റെ നേതൃത്വത്തിൽ സബ്ബ് ഇൻസ്പെക്ടർ ഇൻസമാം. എം , സി പി ഒമാരായ മനു, സന്തോഷ് എന്നിവർ ചേർന്നാണ് പ്രതിയെ പിടികൂടിയത്.
