തിരുവനന്തപുരം: അന്താരാഷ്ട്ര വനിത ദിനത്തോടനുബന്ധിച്ച് വനിത ശിശു വികസന വകുപ്പ് “5K Midnight Fun Run” മാരത്തോണ്‍ സംഘടിപ്പിക്കുന്നു. മാര്‍ച്ച്‌ 8 രാത്രി 9 മണിയ്ക്കാണ് വനിതകള്‍ക്കായി മാരത്തോൺ ആരംഭിക്കുന്നത്. കനകക്കുന്ന് കൊട്ടാരത്തില്‍ നിന്ന് ആരംഭിക്കുന്ന മാരത്തോൺ ആരോഗ്യവും വനിത ശിശുവികസനവും വകുപ്പ് മന്ത്രി വീണാ ജോര്‍ജ്ജ് ഫ്ളാഗ് ഓഫ് ചെയ്യും. കനകക്കുന്നിൽ നിന്ന് ആരംഭിക്കുന്ന മാരത്തോൺ കിഴക്കേകോട്ട ഗാന്ധിപാര്‍ക്കില്‍ അവസാനിക്കും. ഈ മാരത്തോണില്‍ പങ്കെടുക്കുന്നതിലേക്കായി വനിതകളുടെ രജിസ്ട്രേഷന്‍ ആരംഭിച്ചിട്ടുണ്ട്. പ്രായപരിധി ബാധകമല്ല. http://bit.ly/FunRunGeneralAudience എന്ന ലിങ്കില്‍ രജിസ്റ്റര്‍ ചെയ്യാവുന്നതാണ്.
