തിരുവനന്തപുരം : ഇനി മുതൽ പ്ലാസ്റ്റിക് മാലിന്യം ബ്രഹ്മപുരത്തേക്ക് കൊണ്ടു പോകില്ലെന്നു തീരുമാനം. മുഖ്യമന്ത്രിയുടെ അധ്യക്ഷതയിൽ ചേർന്ന ഉന്നതതല യോഗത്തിലാണു തീരുമാനം. കൊച്ചിയിലെ പ്ലാസ്റ്റിക് മാലിന്യം മൂന്ന് ഇടങ്ങളിലായി പ്രോസസ് ചെയ്യും.
കൂടാതെ ഫ്ലാറ്റുകളിലും വീടുകളിലും ഉറവിട മാലിന്യസംസ്കരണം കർശനമാക്കാനും തീരുമാനിച്ചിട്ടുണ്ട്. ഉന്നതാധികാര സമിതിയെ മാലിന്യപ്രശ്നം കൈകാര്യം ചെയ്യാൻ നിയോഗിക്കും. ഇതോടൊപ്പം റസിഡന്‍റ്സ് അസോസിയേഷനുകളുടെയും ജനപ്രതിനിധികളുടെയും യോഗം വിളിക്കാനും തീരുമാനിച്ചിട്ടുണ്ട്. മാലിന്യ നിർമാർജനത്തിനായി ഹരിതകർമ്മ സേനയുടെ പ്രവർത്തനം വിപുലീകരിക്കാനും പദ്ധതിയുണ്ട്.
