ന്യൂഡൽഹി : ഇന്ത്യയിൽ കൊവിഡ് കേസുകൾ ഉയരുന്നു. 1071 പേർക്ക് കഴിഞ്ഞ 24 മണിക്കൂറിനിടെ കൊവിഡ് സ്ഥിരീകരിച്ചതായി റിപ്പോർട്ട്. കേന്ദ്ര ആരോഗ്യ മന്ത്രാലയമാണ് കണക്കുകൾ പുറത്തുവിട്ടത്. ഇതോടെ രാജ്യത്തെ ആക്റ്റീവ് കേസുകളുടെ എണ്ണം 5915 ആയി. 129 ദിവസങ്ങൾക്കു ശേഷം ഇതാദ്യമായാണു പ്രതിദിന കോവിഡ് കേസുകൾ ആ‍യിരം കടക്കുന്നത്.
5,30,802 ആണ് കൊവിഡ് ബാധിച്ചുള്ള ആകെ മരണസംഖ്യ. 4,46,95,420 പേർക്കാണ് രാജ്യത്ത് ഇതുവരെ കൊവിഡ് സ്ഥീരികരിച്ചത്. രോഗമുക്തി നേടിയവർ 4,41,58,703. രാജ്യത്താകമാനം 220.65 കോടി കൊവിഡ് വാക്സിനുകളും നൽകപ്പെട്ടു.
