തിരുവനന്തപുരം: മെയ് 20 നകം എസ്എസ്എൽസി, ഹയർ സെക്കൻഡറി ഫല പ്രഖ്യാപനം നടത്തുമെന്ന് പൊതു വിദ്യാഭാസ വകുപ്പ് മന്ത്രി വി ശിവൻകുട്ടി. സംസ്ഥാനത്തെ വിവിധ ക്ലാസുകളിലേക്കുള്ള പ്രവേശനവും പരീക്ഷ ഫലങ്ങളും സംബന്ധിച്ച കലണ്ടർ മന്ത്രി വി ശിവൻ കുട്ടി പ്രഖ്യാപിച്ചു. ഒന്നാം ക്ലാസ് മുതൽ 9-ാം ക്ലാസ് വരെയുള്ള ഫലപ്രഖ്യാപനം മെയ് 2 ന് നടത്തുമെന്നും അദ്ദേഹം വ്യക്തമാക്കി.
സ്കൂളുകൾ മാർച്ച് 31 ന് അടയ്ക്കും. ജൂൺ ഒന്നിന് സ്കൂളുകൾ തുറക്കും. ഒന്നാം ക്ലാസ് പ്രവേശന പരിപാടികൾ ഏപ്രിൽ 17 മുതലും മെയ് 2 ന് ശേഷം ടിസി കൊടുത്തുള്ള പ്രവേശനവും ആരംഭിക്കുന്നതായി മന്ത്രി വ്യക്തമാക്കി.
