ആറ്റിങ്ങൽ: ആറ്റിങ്ങൽ പൂവൻപാറ ക്ഷേത്രത്തിനു സമീപം അപകടം പതിവാകുന്നു. ക്ഷേത്രത്തിനു മുൻവശത്തെ വെള്ളക്കെട്ടിൽ അകപ്പെട്ടാണ് അപകടങ്ങൾ ഉണ്ടാകുന്നത്. ഒരു മാസത്തിടെ ഇത് മൂന്നാമത്തെ അപകടം ആണ് ഇന്നലെ രാത്രി ഉണ്ടായത്. ഇന്നലെ രാത്രി 11:30 യോടെയാണ് അപകടം നടന്നത്. കൊല്ലം ഭാഗത്തുനിന്നും വന്ന കാർ ക്ഷേത്രത്തിനു മുൻ വശത്തെ വെള്ളക്കെട്ടിൽ പെട്ട് നിയന്ത്രണം വിട്ട് റോഡിന്റെ ഫെൻസിങ്ങിൽ ഇടിക്കുകയായിരുന്നു. യാത്രക്കാർക്ക് പരിക്കില്ല.
മൂന്ന് അപകടങ്ങളിലും വാഹനങ്ങൾ ഭാഗികമായി തകർന്നിട്ടുണ്ട്. ഭാഗ്യം കൊണ്ട് മാത്രമാണ് മൂന്നു പ്രാവശ്യവും യാത്രക്കാർ രക്ഷപെട്ടത്. വേനൽക്കാലത്തെ മഴയിൽ ഉണ്ടായ വെള്ളക്കെട്ട് മൂലമാണ് ഈ അപകടങ്ങളെല്ലാം. എന്നാൽ ഇനി വരുന്ന മഴക്കാലത്ത് അതിന്റെ തോത് എത്രത്തോളം വർദ്ദിക്കുമെന്ന് പറയാൻ കഴിയില്ല. ഒരു ദുരന്തത്തിനു കാത്തു നിൽക്കാതെ എത്രയും പെട്ടെന്ന് ഈ വെള്ളക്കെട്ട് ഒഴിവാക്കാൻ നടപടി എടുത്തില്ലെങ്കിൽ വൻ അപകടങ്ങൾ ഉണ്ടാകും.
