റാഞ്ചി: ഝാർഖണ്ഡിൽ മൂന്നു ദിവസത്തേക്ക് സ്കൂളുകൾ അടയ്ക്കാൻ തീരുമാനം. ഉഷ്ണതരംഗത്തിനു സാധ്യതയുള്ളതിനാലാണ് നടപടി. എല്ലാ വിദ്യാഭ്യാസ സ്ഥാപനങ്ങൾക്കും ജൂൺ 12 മുതൽ 14 വരെയാണ് അവധി പ്രഖ്യാപിച്ചിരിക്കുന്നത്.
സംസ്ഥാനത്ത് ഏറ്റവും കുറഞ്ഞത് അടുത്ത അഞ്ചു ദിവസമെങ്കിലും ഉഷ്ണ തരംഗം തുടരുമെന്നാണ് കാലാവസ്ഥാ വിഭാഗം പ്രവചിച്ചിരിക്കുന്നത്. ജൂൺ 15 വരെയാണ് സംസ്ഥാനത്ത് വിവിധ ഭാഗങ്ങളിൽ ഉഷ്ണ തരംഗം പ്രവചിച്ചിരിക്കുന്നത്. സംസ്ഥാനത്തിപ്പോൾ 38 മുതൽ 44 ഡിഗ്രി സെൽഷ്യസ് വരെയാണ് അന്തരീക്ഷോഷ്മാവ്.
