തിരുവനന്തപുരം: ജില്ലയിലെ മംഗലപുരം തോന്നയ്ക്കലിൽ പ്രവർത്തിക്കുന്ന ബയോ ലൈഫ് സയൻസ് പാർക്കിലെ കിണറ്റിൽ അകപ്പെട്ട കാട്ടുപന്നിയെ മംഗലപുരം ഗ്രാമപഞ്ചായത്ത് പ്രസിഡന്റിന്റെ ഉത്തരവിൻ പ്രകാരം വെടിവെച്ചു കൊന്നു.
ഡിസംബർ മാസം നടക്കുന്ന സയൻസ് എക്സ്പോയുമായി ബന്ധപ്പെട്ട് സയൻസ് പാർക്കിന്റെ
കോമ്പൗണ്ട് വൃത്തിയാക്കുന്നതിനിടയിൽ ജൂൺ 12 തിങ്കളാഴ്ചയാണ് കാട്ടുപന്നി
ഏകദേശം 20 അടി താഴെയുള്ള ഉപയോഗശൂന്യമായ കിണറ്റിൽ അകപ്പെട്ടത്.
സയൻസ് പാർക്കിൽ നിന്നും അറിയിച്ചതിനെ തുടർന് വനം വകുപ്പിന്റെ അംഗീകൃത ഷൂട്ടറായ ആസിഫ് ഇക്ബാൽ മുഹമ്മദ് ആണ് കാട്ടു പന്നിയെ വെടിവെച്ചു കൊന്നത്. കൊല്ലപ്പെട്ട കാട്ടുപന്നിയുടെ മൃതുദേഹം കിണറ്റിൽ തന്നെ കുഴിച്ചിട്ടു. ഗ്രാമപഞ്ചായത്ത് പ്രസിഡന്റ് സുമ, ഇടവിളാകം വാർഡ് മെമ്പർ അജികുമാർ, അസിസ്റ്റന്റ് സെക്രട്ടറി ജനിഷ് ആർ വി രാജ് ,
ജൂനിയർ സൂപ്രണ്ട് ബൈജു കെ കെ എന്നിവരും സംഭവ സ്ഥലത്തുണ്ടായിരുന്നു.
