തിരുവനന്തപുരം: “അംബേദ്കർ ഗ്രാമം” പദ്ധതിയിലേക്ക് കഠിനംകുളം ഗ്രാമ പഞ്ചായത്തിലെ കല്പന പത്താം വാർഡിനെ തെരഞ്ഞെടുത്തുകൊണ്ട് സർക്കാർ ഉത്തരവിറങ്ങി.
കേരളത്തിലെ പട്ടിക ജാതി-പട്ടിക വർഗ വിഭാഗങ്ങൾ അധിവസിക്കുന്ന സങ്കേതങ്ങളുടെ അടിസ്ഥാന സൗകര്യ വികസനത്തിനായി 1 കോടി രൂപ വകയിരുത്തി സംസ്ഥാന സർക്കാർ നടപ്പിലാക്കുന്ന പദ്ധതിയാണ് അംബേദ്കർ ഗ്രാമം”. കല്പന വാർഡ് മെംബർ എം ലെനിൻ ലാൽ ചിറയിൻകീഴ് എം. എൽ. എ വി ശശിക്ക് നൽകിയ നിവേദനത്തെ തുടർന്നാണ് പദ്ധതിയിൽ ഉൾപ്പെടുത്തിയത്.
